Salenques Tempestades

Albatik itzuli, eta Benasquera bajau ginan. Hurrengo helburua nahiko finkatuta eduki arren, Albatik konfidantzakin bueltatzia eta eguraldixa konfirmatzia falta ziran plana aurrera eramateko. 
Gure burua ondo ikusi genduanez, eta egualdixa hurrengo egunerako ona zatorrenez, prestaketekin hasi ginan. Bi egun irauten ditxuan ertza zaukagun begiz jota, Salenques-Tempestades klasikua Anetoko tontorrian bukatzen. Aspalditik naukan gogouan, baina aurten arte ez jatan juteko aukera suertatu.
Ohiko sokez eta txapez aparte, materixal gehixokin kargatu ginan beraz, esterillak, sakuak, gasa eta 2 egunetarako jatekua... Deskantzo egunian motxilak prestatu eta Llanos de Benasqueraino ixo ginan oinguan lotara.
Llanosetik Besurtaraino autobusa egoten da udan, eta bestela ere bide luzia eta motxila astuna zakagunez, aprobetxatzia pentsatu genduan. Goizeko 5etan abantatzen da Anetora prozesiuan jun nahi dabenen autobusa, eta gu ere hauekin batera ixo ginan Besurtaraino.
Aiguallutsetik aurrera, Anetoko tontorra atzian
Eguna argitxu aurretik gure bidiak separau ziran, gu Aiguallutseko bailarara, beste dan danak Renclusa alderuntz.
Oinez ere tiradatxua dago sokak jartzen diran lekuraino. Guk ixa 4 ordu behar izan genitxuan ertzaren haserarainoko 8kmak itxeko.
Ertzan lehenengo zatixa, Tuc de Mulleres atzian
Zeozer jan, sokak jarri eta abantau ginan ertzian gora.



Ia 7 ordu egin genitxuan ertzetik Margalidako tontorrera arte.

Bibaka, luxuzko bistekin Aneton tontorrera (atzian)

Bibak politx bat aurkitxu genduan, Anetora begira zauan balkoi eta guzti, eta afaldu eta lotan hemen geratzia pentsatu genduan.

Argazkixak ez dio justiziarik itxen hango espektakuluari

Katalan bat ere etorri zan gure ondoren, Kim. Hau Vallibiernako bailaratik igo zan honaino gabaz disfrutatzera.
Abuztu osoko gabarik onena izan zan seguruenik. Abuztua ez da ona izan, baina gaba mundiala izan zan, epel eta haizerik gabe 3000mtan...

Ondoloin


Afarixa prestatzeko, neberora bajau eta ura urtu genduan. Goizerako ere gorde genduan glaziarreko ura kafia itxeko, baina gas justuakin ixo ginan, eta goizian kitto esan zigun ura berotu aurretik.
Txirik gure alboko bibakeko Kim-i kazuela eskuetan zeukala zera esan zion: Perdona, nos hemos quedao colgaos...
Kazuelako ura bota, eta gordetzeko lehortzen zaban bitxartian: nos das un cigarrillo?
Argi dago leku hauetan gosari epela moduko lujuak alperrik daudela. Zigarrua erre, sokak jantzi eta eskalatzen segitxu genduan beste ixa 4 orduz Anetoko tontorreraino.

Anetoko bizkarretik Aneto tontorrera

Anetoko tontorreko argazkixa
Han argazkixak atara eta oindiok glaziarra zaukagun zeharkatzeko. Pisua aurreztiarren kranpoiak ez genitxuan eraman, baina bai pioletak, eta ziran orduak izanda, elurra esperota bezela, nahiko bigun topatu genduan. Motel eta reflejo guztiak erne bai, baina ez genduan arazo gehixegirik euki glaziarra gurutzatzen.
Ordubete ingururen ondoren iritsi ginan glaziarran, eta ondorioz, azken bi egunetako arrisku guztien bukaerara.
Anetoko glaziarra

Mokadutxo bat jan eta Renclusarako jeitsieran libre, bi egun sokakin lotuta ibili ostian. Renclusan garagardo bat hartu eta Besurtara bajau ginan, inor ikusi ez genduan leku lasaitxik jende artera.
Ospatu biharrez, Benasquera bajau, dutxatu, eta kalian afaldu genduan. Nekatuta egon arren, azken sakatualditxo bat eskatzen zaban gorputzak eta astelehen buruzuri batian aurkitxu genduan azken eskalada goizeko ordu txikixak arte, taberna zulo batian.

Pentsau leike 15 Gendarmeen ertzian ero Salenques Tempestadesen arriskuetan ibili gerala, baina benetan arriskua kalian aurkitxu gendualakuan nago ni, kar kar kar.

Pixkat txapa izan arren, oinguan ere in ditxut bi bideo, egun bakoitzeko argazki eta bideuekin. Materixal asko ekarri dot, eta zer kendu jakin gabe, nahiko luziak geratu dira, baina hor konpon.

1. eguneko bideoa

2. eguneko bideoa

Eta hemen GPSan datuak: Garmin Connect

Iruzkinak