Open Vall Fosca

Bailara berezia da La Vall Fosca, ezezaguna jende gehienarentzat. Halere, Carros de Foc esango bagenu, ziur mendian gabiltzanon gehienontzat ezaguna dela. Aran ibarraren hegoaldean, geratzen dela badiogu ere gauza bera. Boi-Taüll, Baqueira-Beret, Espot-eko (edo zaharrenentzat Llessui-ko) eski pistak dauzkala inguruan ere esaten badugu, eskiatzaileek gutxi gora behera jarriko dute mapan.

Nik behintzat, berezia dela diodanean horregatik diot, oraindik asko esplotatu gabe dagoen bailara bat delako, nahiko naturala eta nahiko bertikala gainera.

Halere, espekulazioaren atzaparrak ere iritsi ziran bertaraino. Florentino eta Ciak (FADESAk) Ski & Golf binomioan barruan, eski pista bat egiten hasi ziran (lerro zuzenean bi kilometrotara Llesuiko pista duela urte batzuk itxita egon arren). Beno, eskerrak azkenean FADESAk kiebra jo, eta erdi egina dagoen arren, bertan behera geratu dela.

Kasu hauetan, bertako turismoa beste era batean bultzatu eta balio naturala ezagutarazteko oso ondo etortzen dira lasterketak, eta nik uste horretan asko lagundu dezakela Open Vall Fosca , bailararen izen bera daraman mendi eski lasterketak.

Bailara txikia izanik, bailara osoko bolondresen lana behar da aurrera ateratzeko, eta jendea ez erretzeko antolakuntzan, bi urtean behin egitea pentsatu zuten, beraz, urte bikoitietan egingo da Vall Foscako irekia.

Aurten bakoitia izan arren, aurreko urtean elurrik ez, eta hurrengo urtera atzeratu behar izan zutelako egin da, baina aurten ere ez dute eguraldiarekin arrakasta gehiegirik eduki.

Euskal herria elurrez lepo dagoen bitartean, eta pirinioen zati handi bat ere bai, Vall Foscan ez daukate elur gehiegirik. Han iparrak ez du elur asko uzten, Aran haranean geratzen bait da dena. Aurten hegotik ez da apenas prezipitaziorik sartu, baina horrek badauka bere alde ona ere. Sekulako ibilbide polita diseñatu zuten bertakoek.

2000m inguruko ibilbidea, 4 igoerarekin, tartean 4 zatitan kranpoiak jarri beharra, eta 4 horietako batean ertz luze luze bat eskalada errax batekin sokaz lagundurik. Beraien esanetan Pierrako Grand Monten antzeko arista bat.

Baina lasterketa egunerako, zapaturako, eguraldi aurrikuspena zeharo kaxkartu, eta ostegunian email bat jaso genduan lasterketa domekara pasako zala informatzen.

Lekutan dago guretzat Vall Fosca, 6 bat ordutara kotxez, eta normalian zapatuan lasterketa egin, eta domekan ere aprobetxatzen saiatzen gera, han inguruan edo beste nunbaitxan eskiatzeko, baina lasterketa domekara pasatuta, bezperan lasterketarako indarrak gordetzeko ezin gehiegi egin, eta eguraldi parte horrekin, lasterketa mozteko arriskua ere bazegoen. Gainera aurreko astetan botatako elurragatik hemen ere eskiatu ziteken akaso...

6 ordu joaten, 6 bueltan, 2-3 ordutako lasterketa kasurik onenean, hemen elurra botako zaban aurrikuspena, sekulako pereza sartu zitzaidan

Bikotekako lasterketa zan eta Larizekin egin behar nabanez, komentatu nion beste bikoterik aurkituko balu berarekin egiteko lasterketa. Beste bikote batean ere gauza bera gertatu zen, batek kale egin eta Igorrekin egiteko plana egin zuen Iñigok.

Joe, ostegun gabean penaz nengoen, erabaki arrazionala hartu naban, baina emozionala beste bat zan dudaripe. Elkarrekin pasatutako pena eta poz guztien ondoren, aspaldi elkarrekin lasterketa bat egin gabe, eta "jubilatzen" den arte ez dut seguruenik berriz ere berarekin lasterketa bat egiteko aukerarik edukiko, eta pixka bat damutu nintzan. Vall foscan bertan egin genuen lehenengoz bikoteka, eta oso oroitzapen ona neuzkan, eta berezia izango zen berarekin han lasterketa errepikatzea, orain Euskal Herriko txapelduna danakin!

Barixaku goizian mezu bat bidali zidan esaten Igor erdi gaixo zaola, eta ez zala jungo. Joe, berriz ere aukera zabaldu jatan eta animatu nintzan. Halere, bildur pixka bat ere banaukan, ze Iñigo oso fuerte dago, eta horrek beldurra ematen dau. Gainera, akaso ni baino bikote gogorrago bat aurkitxu ahal zaban, baina tira, berari ere ilusiua egiten omen ziola nerekin egitiak, eta halaxe jun ginan.

Beraz, presarik ez zaonez, zapatuan jun ginan Vall Foscara. Esperotakua baino elur gutxio zauan eta apartamenduak nahiko urruti, ondorioz, ez genduan eskiatu, eta gainera sekulako hotza eta haizia egiten zaban.

Breafing-ean esplikatu ziguten prebisioek ez zutela asmatu larunbaterako, baina iganderako haize gutxiago egotia espero zala. Hotz handixa aurrikusita zaonez, ondo abrigatzeko. Leku batzutan sentsazio termikua -40ºtakua izan zeikela.

Nafarren entrenatzaile Karolok, kriterio ezin hobiakin, gazte guztiak lumazko txaketa hartzera behartu zituen motxilan. Gu ere ibili ginan bikoteko bat hartzia pentsatzen. Azkenian ez gera gauza horietan pentsatzen jartzen sarriegi, baina zerbait gertatuz gero hotz horrekin, arazua serixua izan leike!

Halaxe, goizian jaiki eta jun ginan irteerara. Berotzeko bueltatxo bat eman genduan goruntz lasterketako lehenengo zatia ikusten (ez zan neretzat lasterketa aproposena, korrika zati handi bat egin bihar zalako goraka, 300mko desnibela inguru!) eta berotu ondoren beheruntzko bidian guazela, Gerard ikusi genduan, probako zuzendarixa goraka.

Nahiko lur jota zauan, esan zigun zeozer moztu biharko zabela seguruenik haiziagatik. Zorte txarra zakela, eta akaso ez zala gehixo Vall Fosca proba egingo.

Sekulako pena eman zigun, eta animatzeko esan genion. ez da erraza izan behar, urte bete atzeratu, eta ilusio guztiakin hurrengo urtian, astian zihar sekulako ibilbide bat ekipatzen egon, azkenian egun bat atzeratu bihar...

De 2013 Otsaila

Behera jeitsi, eta irteerara gindoazela, orduerdi atzeratuko zela esan ziguten.

behian, basuan berotzen segi genduan, Feliu ikusi genduan, eta esan zigun... me huele a la mezzalama... suspenditxu zaben edizio hari referentzia eginaz...

Tate, baldintza txarrak zirala, eta segurtasun arrazoiengatik bertan behera geratu zala proba esan ziguten megafoniatik.
Bajoia, baina tira, gure kabuz jun ginan goruntz partehartzailietako asko.

De 2013 Otsaila

Egia esan, han gora helikopteroa ezingo zen sartu, eta hotz horrekin... Suhiltzaileek, Mossoek eta antolakuntzakoek Cavalls del ventekoa zeukatela gogoan entzuten zen...

Guretzat sekulako faena, baina seguru ez zela erabaki erraxa izango beraientzat ere. Halere, gure hobe beharrez egin zutela zalantzarik ez!

Kritika egitekotan, bi egingo ditut (behin hasiz gero) B plan bat prestatuta ez edukitzea izan liteke lehena. Akaso duela pare bat urte bezela eski pista proiektutik barrena egin liteke lasterketatxo bat, eta bigarren kritika, pentsatzen zuten hasi eta bukatzea leku berean, igotzeko uler daiteke, baina apenas zegoen elurrik jeisteko, eta eskiko materiala oso garestia da, beraz, gorago moztuko balute segurtasuna eta materiala ere zaindu ahalko genuke

Edozein kasutan, Gerard-ek esandakoa ahaztu, eta hurrengo urtean han ikusiko garela espero dut Open Vall Foscan.

De 2013 Otsaila

PD: Ondoren sare sozialetan zera jartzen zuen: Handia dela esplikazioak eman behar dizkiozun jendeak animoak ematen dizkizula ikusteak. Beno, ea hurrengo urtekoa hobeto ateratzen den eta ezagutu ahal dugun Grand Montekoa bezelako ertz hori